ကျောက်ပန်းတောင်းအသင်း

အညာနဲ့တမာ (နွေထနောင်း၊ ဆောင်းမန်ကျည်း)

တစ်နေ့ ကတော့ အောက် အရပ်မှာ နှစ်ပေါင်း ၃၀ လောက် ကြာအောင် သွားနေ ရတဲ့ ကျွန်မ တူကလေး တစ်ယောက် မန္တလေးကို တစ်ခေါက် ပြန်လာတယ်။ ဒါနဲ့ ကျွန်မက ရောက်တုန်း ရောက် ခိုက် အေးအေး လူလူ စကား ပြောရ အောင် ငါ့အိမ် မှာလည်း ထမင်းစားဦးဟဲ့ ဆိုပြီး သူ့ကို ထမင်း ခေါ်ကျွေးတယ်။ သူက စားလိုက် တာ ခေါင်း မဖော်ဘူး၊ ဘာတွေနဲ့ သူစား နေသလဲလို့ ကြည့်လိုက်တော့ ကျွန်မ တို့ဆီက ရာသီဟင်း ခရမ်းချဉ်သီး ငါးပိချက်ကို တမာရွက်ပြုတ်နဲ့ တို့မြှုပ်ပြီး စားနေ တာကိုး။ ကြက်သား ဟင်းကလေး ချက်ထား တာကို တို့ပုံတောင် မရဘူး။ ” တမာရွက်က ဟိုမှာ မစား ရဘူး ဒေါ်ဒေါ်ရဲ့” ဆိုပြီး တမာရွက် တွေချည်း ထမင်းထဲ မြှုပ်မြှုပ် စားနေတယ်။

ကျွန်မတို့ အညာ မှာတော့ တမာပင်က ပေါသမှတ်လား၊  ဒီဇန်နဝါရီလလို ရာသီမှာ တမာပင်တွေက အရွက်တွေ ကြွေပြီး ရွက်နု ကလေးတွေ ထွက် ကြပြီ။ အဲဒါကို ကျွန်မ တို့က ချိုးယူပြီး ရေနဲ့ ပြုတ်တယ်။ အခါးရည် ကလေး ထွက်သွားပြီ ဆိုတော့ ဇီး(ဆီး) ချဉ်သီး ပြုတ်ကလေးနဲ့ အချဉ်သတ် တယ်။ တမာရွက် နုချိန်မှာ ဇီး (ဆီး) ချဉ်သီး ကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ် ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့ သတ်ရင် ရတော့ ရတယ်။ ဒါပေ မဲ့ ဇီး(ဆီး) သီး ချဉ်ကလေး က ဇီး(ဆီး) နံ့လေး မွှေးတယ်လေ။ ဒါကြောင့် ကျွန်တို့က ဇီး (ဆီး) ချဉ်သီးမှည့် ကလေး တွေကို ပြုတ်၊ နူးတော့ လက်နဲ့ ချေနယ်ပြီး ရတဲ့ အချဉ်ရည် ကလေးထဲ ရေနွေး ဖျောပြီးသား တမာရွက် ပြုတ်ကလေး ကိုနှစ်ပြီး စိမ်ထား လိုက်တယ်။ ပြီးတော့ သူ့ကို အတို့အမြှုပ် လုပ်စားလေ့ ရှိပါတယ်။

အောက် အရပ်က ဒီအချဉ် နှပ်ပြီး တမာရွက် ပြုတ်ကို တမာချဉ် လို့လည်း ခေါ်ကြရဲ့။ တမာချဉ်ကို ငါးပိချက်၊ ငါးပိရည်၊ ငံပြာရည် နဲ့လည်း တို့ကြ မြှုပ်ကြ ပါရဲ့။ ဒါပေမဲ့ ခုလို ဆောင်းမှာ ခရမ်းချဉ်သီး ကလည်း အညာမှာ ပေါနေတော့ ခရမ်းချဉ်သီးနဲ့ ငါးပိနဲ့ အချဉ် ချက်ထားတဲ့ ခရမ်းချဉ်သီး ငါးပိချက် ကလေးနဲ့ တို့တော့ ပိုပြီး လိုက်ဖက် တယ်လေ။ တမာက အခါး မှုတ်လား။ ကျွန်မတို့ အညာမှာ မန်းကျည်း၊ ထနောင်းနဲ့ တမာဟာ ပေါပေါ များများ ပေါက်တဲ့ အပင် မျိုးပါပဲ။ တမာကို NEEM လို့ ခေါ်ပြီး အိန္ဒိယ ကတော့ တမာ ဟာ သွားအတွက် အကောင်းဆုံး ဆေးလို့ သတ်မှတ် တာမို့ သူတို့ လူမျိုး ဓလေ့ တမာရိုးနဲ့ သွားတိုက်ရုံ သာမက တမာဆီနဲ့ သွားတိုက် ဆေးများပါ ထုတ်လုပ် နေလေရဲ့။ ကျွန်မတို့ ဆီမှာ တော့ တမာသီးတဲ့ အခါ အစေ့ကို ဆီကြိတ်တယ်။ တမာ ရွက်နုကို လူတွေက စားတယ်။ ဒါပဲ အသုံး ရှိပါ သေးတယ်။ တမာရွက် နုတဲ့ အခါ ရွက်နု ခူးရင် တစ်ခုတော့ သတိထား ရတယ်။ သူ့အကိုင်းက ဆတ်တယ်လေ၊ ဒါကြောင့် တံချူနဲ့ ခူးတာက အန္တရာယ် ကင်းတယ်။ တမာ ပွင့်တဲ့အခါ သူက အများကြီးလည်း ပွင့်တယ်။ မွှေးလည်း မွှေးတယ်။ ဒါကြောင့် ကျွန်မတို့ ကလေး ဘဝမှာ တမာ ပန်းဟာ ချိုးစရာ၊ သင်္ကြန်အိုး ထိုးစရာ ပန်းပါပဲ။ တမာဟာ မျိုးကွဲ မျိုးပွား ဘယ်နှမျိုး ရှိသလဲတော့ မသိဘူး။

ကျွန်မတို့ ဆီမှာတော့ ဟိုအရင် ကတည်းက ရှိတဲ့ တမာမျိုးကို ကျွန်မ တို့က ဗမာမျိုးလို့ ခေါ်ကြတယ်။ စားတော့လည်း အဲဒါကို ပိုကြိုက်တယ်။ သူက အရွက် ကျဲတယ်၊ နည်းတယ်။ ကျွန်မတို့ အထင် သူက အခါး နည်းပြီး ပိုဆိမ့်တယ် ထင်တယ်။ နောက် စိုက်တဲ့မျိုး တမာ ကတော့ အရင် ကျွန်မတို့ ဆီမှာ ရှိနှင့် တာထက် ပိုပြီး အရွက်စည် ပါတယ်။ စားတဲ့ လူက ရှိရင်းစွဲ တမာ မရှိရင် အတူတူ ထားပြီး စားတာပါ။ သိပ်မခွဲတတ် ပါဘူး။ ဒီတမာနဲ့ ပတ်သက်လို့ မြသန်းတင့်က တမာ နုချိန် စစ်တမ်း ဆိုပြီး ၁၉၈၉ ခုနှစ်က ဆောင်းပါး တစ်ပုဒ် ရေးဖူးတယ်။ မြသန်းတင့် ကလည်း အညာသား၊ စာကလည်း အရေးကောင်း ဆိုတော့ သူ့ “တမာနုချိန် စစ်တမ်း” က တမာနဲ့ ပတ်သက်ပြီး တကယ့် စာတစ်စောင် ပေတစ်ဖွဲ့ဖြစ် ကျန်ရစ် ပါတယ်။ ကျွန်မတို့ အညာက ဥတု ရာသီက ပူစရာ ရှိလည်း တော်တော် ပူပြင်းတယ်။ ဖာရင် ဟိုက် ၁၀ဝ က ကျော်တာ ချည်းရယ်။ ပိုပူတဲ့ နှစ်တွေမှာ ၁၁၀ ဒီဂရီလောက် အထိ ပူလာတာ။ ဆောင်းရောက် ပြန်တော့လည်း ၇၀ ဒီဂရီလောက် အထိ အေးပြန်ရော။ နွေနဲ့ ဆောင်းမှာ အဲဒီလို ဖာရင်ဟိုက် ဒီဂရီ ၃- ၄၀ ခြားတော့ ဒီဥတုရာသီရဲ့ ဒဏ်ကို ခံနိုင်ဖို့ သဘာဝက ပေးနိုင်တဲ့ အကာအကွယ် ကိုလည်း လူက မက်မော ရတယ် ထင်ပါရဲ့။

အပူအအေး ကာကွယ်မှုနဲ့ ပတ်သက်လို့ ” နွေထနောင်း ဆောင်း မန်ကျည်း” လို့ အညာမှာ ရှိတဲ့ ထနောင်းပင်နဲ့ မန်ကျည်းပင်ကို ခုံခုံ မင်မင် မက်မောမှုနဲ့ စာဖွဲ့လေ့ ရှိပါတယ်။ နွေခါမှာ ထနောင်းပင်က သိပ်အဖိုး တန်တာ အမှန်ပါ။ ဆောင်းရောက် တော့လည်း မန်ကျည်းပင်လေ။ အညာမှာ နွေရောက်ရင် ရာသီဥတု ပူပူကြီးထဲမှာ နွေပေါက်မှ ရွက်သစ်တွေ ဝေလာတဲ့ ထနောင်းပင်က တစ်နွေလုံးကို သူ့ အစွမ်းအစ ကလေးနဲ့ အန်တု နေသလား အောက်မေ့ ရတယ်။ ရွက်နု စိမ်းစိမ်း ကလေးတွေ ဝေနေတဲ့ ထနောင်းပင်ရဲ့အလှက စိတ်ချမ်းသာ စရာ ကောင်းလိုက်တာ ကြည့် မဝဘူး။ ပြီးတော့ အလွန် ပူပြင်း နေတဲ့ ပတ်ဝန်းကျင် ထဲက သူ့အရိပ် ကလေး ကလည်း တကယ်ပဲ အေးသွားတာပါ။ သစ်ပင်တွေရဲ့ အရွက်ဆိုတာ အစိမ်း ချည်းပါပဲ။ ဘယ်အပင်က ဘာရွက် ဖြစ် ဖြစ် စိမ်းတာပါပဲ။ ဒါပေမဲ့ ထနောင်းပင်က ထနောင်း ရွက်နု ထွက်လာတဲ့ အခါ စိမ်းပုံက ဘာရွက်စိမ်း နဲ့မှ မတူပါဘူး။ အစိမ်းပေမယ့် အဝါစွက်တဲ့ အစိမ်းမို့ သူက စိုပြီး ရွှင်ပြီး စိမ်းတဲ့ အစိမ်း၊ ပူလွန်းလို့ တခြား အပင်တွေက အရွက်တွေက မကြွေ သေးရင်လည်း အရောင် မလှ တော့ဘဲ ရော်နေတဲ့ အချိန်မှာ သူက ဝေနေတဲ့ ရွက်သစ် တွေက နုစိမ်းပြီး ဝါဖန့်ဖန့် ကလေး ရှိနေလိုက် ပုံက သစ်ရွက်သာ ဆိုတယ် အရောင်တွေ တောက်နေတဲ့ သစ်ရွက်ပါ။ ကျွန်မက ပန်းချီ မျက်စိ မရှိလို့ အရောင်ကို ပန်းချီပြော မပြောတတ်လို့ သာပေါ့။ ဒီအချိန် ဒီရာသီမှာ ထနောင်း ရွက်နု ကလေး စိမ်းလန်း နေပုံက သူအရိပ်ထဲ မဝင် ရသေးဘဲနဲ့ စိတ်ကို အေးချမ်းနှင့် စေတာမို့ အလွန်ကို နှစ်ခြိုက် ကျေနပ်ဖို့ ကောင်းတာပါ။

ပြီးတော့ ထနောင်းရော၊ မန်ကျည်း ရော၊ အရွက်ရဲ့ ရွက်ဖတ်က သေးသေးကလေး တွေရယ်။ ဒါပေမဲ့ သူတို့က စိပ်စိပ်ကလေး ထွက်တဲ့ အရွက်ဆိုတော့ အဝေးက လှမ်းကြည့်ရင် တစ်ရွက်ချင်း မမြင် ရဘဲ ထိစပ် နေတဲ့ အစိမ်းပြင် အဖြစ်နဲ့ မြင်ရတာ။ ဒါကြောင့် နေကို ကာတဲ့ အရိပ် ပေးကြစို့ ဆိုတော့လည်း တခြား ဘာပင် တွေနဲ့မှ မတူဘူး။ တကယ် လုံအောင် မိုးပေး ကာပေး ကြတဲ့ ရွက်စိပ် ကလေးတွေ။ ဒါကြောင့် ပူလောင် ပြင်းပြတဲ့ နေပူက လာတဲ့လူက ထနောင်းပင် ရိပ်ကို ဝင်လိုက် ရတဲ့ အခါ သိသိ သာသာ အေးသွား တယ်လေ။ ထနောင်းက ပင်စောက် ပင်ကြီးမျိုး၊ အကိုင်း အခက်က ဘေးဖြာ ထွက်တော့ ထီးမိုး သလို အရိပ် ရစေတယ်။ ထနောင်းဟာ အရိပ် ရရုံ အပင် တော့လည်း မကဘူး။ သူ့အရွက်ကို ကျွန်မတို့ အညာက လူတွေက စားကြတယ်။ ထနောင်း ရွက်နု ကလေးတွေ ထွက်လာ ရင် ခူးပြီး ပြုတ်တယ်။ ထနောင်း ရွက်နုပြုတ် ဈေးထဲမှာ ရောင်းတယ်။ ဝယ်လာခဲ့ အိမ်မှာ အရိုး သင်ပြီး နှမ်း၊ မြေပဲ၊ ပုစွန်ခြောက်၊ ဆီချက် နဲ့ သုပ်စား ကြတယ်လေ။ သူက ချိုတယ် ချဉ် တယ် ဆိုတာမျိုး မဟုတ်ဘူး၊ ဆိမ့်တာပါ။ လူတွေက ထနောင်းပင်က အခေါက်ကို ခွာပြီးတော့ သားရေ နယ်ရာမှာ သုံးတယ်။ ထန်းလျက် ချက်ရာမှာ ခပ်တယ်။ အရက်ချက် ရာမှာလည်း ထနောင်း ခေါက်ကို ထည့်သေးတယ်။ ထနောင်းပင်ဟာ မကြီး လွယ်ဘူး။ မန်ကျည်း လိုပဲ နှစ်ရှည် စိုက်ရတဲ့ အပင်မျိုး။ သူ့ကို သေမကုန် အောင်တော့ အခေါက်ခွာ သူတွေက သတိထားဖို့ လိုပါတယ်။ ဘာလို့လဲ ဆိုတော့ ကျွန်မ တို့မှာ စီးပွားရေးက အရေးကြီး လေတော့ နတ်နေကိုင်း မချန် နိုင်တာ တွေက များများ လာလို့ပါ။ ထနောင်းရဲ့ အစ်ကို ကတော့ မန်ကျည်းပေါ့။ ကျွန်မ တို့ငယ်ငယ်က ” နွေ ထနောင်း၊ ဆောင်းမန်ကျည်း”  ဆိုတာကို အဓိပ္ပာယ် သေသေချာချာ သိတာ မဟုတ်ဘူး။ ကြီးလာမှ မန်းကျည်းပင် ရိပ်ကြီး အုပ်အုပ် ဆိုင်းဆိုင်းရဲ့ အောက်ကို ဝင်လိုက်ရင် ဆောင်းတွင်းမှာ နွေးတာကို သိတယ်။ မန်ကျည်းပင်က ဆောင်းတွင်းမှာ အရွက်က စည်တုန်း ဆောင်းကုန်မှ သူက အရွက် ကြွေတာ။ အဲဒီတော့ မန်ကျည်းရွက် အထပ်ထပ်ကို နှင်းက မထိုးဖောက် နိုင်ဘူး ထင်ပါရဲ့။

မန်ကျည်းရွက်က ကြွေပြီ ဆိုရင် အရင် ကတော့ ကျွန်မတို့ ကလေး ဘဝ တုန်းက မန်ကျည်းရွက်နု ခူးလို့ အလွန် ကောင်းခဲ့ တာပေါ့။ မန်ကျည်းပင် ပေါ်တက်ကြ၊ ရွက်နု ခူးကြ၊ လွယ်အိတ် တွေနဲ့ သီချင်း တကြော်ကြော် မန်ကျည်းရွက် ခူးရင်း သီဆိုကြနဲ့ အလွန် ပျော်တာ။ မန်ကျည်းပင်က ကိုင်းခိုင်တော့ လူကြီးတွေ ကလည်း ကျိုးကျမှာ မပူဘူး။ တက်လို့ ကောင်းတဲ့ အပင် ဆိုရင် တက်ကြပဲ။ မန်ကျည်းကိုင်းက ဆတ်မှ မဆတ်တာ။ လက်သန်း လက်ညှိုး တုတ်ရင် လူခိုစီးလို့ ရနေ တယ်လေ။ မန်ကျည်းရွက်က ကြွေပြီ ဆိုရင် ဖြင့် မန်းကျည်းရွက် အကြွေကို မြေဩဇာသမား၊ ပန်းပင် သစ်ပင်စိုက် သမားက သိပ်ကြိုက် ပါတယ်။ မန်ကျည်းရွက်ဆွေး မြေဩဇာ ဆိုတာ သိပ်ကောင်း သတဲ့။ ပြီးတော့ မန္တလေးမှာ မန်ကျည်းပင်ကြီး တွေကလည်း ပေါမှ ပေါ။ ဒုတိယ ကမ္ဘာစစ်မီးကြီး မြို့ကို အလောင်မြိုက် ခံလိုက်ရတော့ ဘိုးစဉ် ဘောင်ဆက်က ရှိလာတဲ့ မန်ကျည်း ပင်ကြီးတွေ စစ်မီး လောင်လို့ ကုန်ပါ ရော။ ပြာပုံထဲက ကုန်းထ ရတဲ့ မန္တလေးက ရုတ်တရက် အရိပ် အာဝါသ ရအောင် ဗာဒံပင်လို ချက်ချင်း အပင် ဖြစ်နိုင် တာတွေကို စိုက်ကြ ရတယ်။ မန်ကျည်းက အပင် တော်တော်နဲ့ ကြီး တာ မဟုတ်တော့ မန်ကျည်းကို မစိုက်ကြ တော့ဘူး။ လောလောဆယ် အရိပ်က ရချင် ကြတာကိုး။ စစ်ကြီး မဖြစ်ခင် ကတော့ တစ်မြို့လုံး မန်ကျည်းပင် တွေက ရပ်ကွက်တိုင်း လမ်းတိုင်း အိမ်ဝင်းတိုင်းမှာ ရှိနေတာ။ မန်ကျည်းက အရွက်သာ စားရတာ မဟုတ်သေးဘူး။ ရွက်နု ကလေး ဖားလာလို့ အဖူးနဲ့ အပွင့် ကလေးတွေ ဝင်လာပြီ ဆိုပြန် တော့လည်း ကျွန်မတို့က မန်ကျည်းဖူး ကလေး တွကို ခူးပြုတ်ပြီး သုပ်စား ကြပြန်ရော။ မန်ကျည်းပွင့် မန်ကျည်းဖူးကို အချဉ် လုပ်ပြီး သုပ်စား ပြန်တော့လည်း မြေပဲဆံ ကလေး၊ နှမ်းကလေး၊ ဆီချက် ကလေးနဲ့ အချဉ်သနပ် ကလေး အဖြစ် စားလို့ ကောင်းပြန်ရော။ မန်ကျည်းက ဖူးပွင့်ပြီးရင် မကြာ ပါဘူး။ သီးကင်း ကလေးတွေ ဝင်လာတော့ တာပါ။ ကျွန်မတို့ အညာက မန်ကျည်းသီးကို သီးကင်းစ ကစပြီး ရင့်လာ မှည့်လာ ခြောက်လာတဲ့ အထိ အရွယ် မရွေး ခူးစား ပါတယ်။ သီးနု ကလေး တွေကို ထောင်း စား၊ ထောင်းပြီး ချက်စား လိုက်တာ အစေ့ ဝင်လို့ လာတဲ့ အထိပါ။ အစေ့ဝင် တော့လည်း သီးရင့်ကို တစ်ခါ ပြုတ်ပြီး ချဉ်ရည်ဟင်းမှာ အချဉ်ရည် ထည့်ပြန် ပါရော။ သီးရင့်က မှည့်ချင်လို့ ရွမ်းလာ တော့လည်း မန်ကျည်းသီး ရွမ်းပြင်းကို မန်ကျည်း ကြက်ဆူလို့ ခေါ်ပြီး စပ်ချဉ်ဟင်း အဖြစ်နဲ့ ငါးပိ တစ်များနဲ့ ချက်စား ပြန်ပါရော။ မန်ကျည်း ကြက်ဆူ ဟင်းက အနံ့လေး တစ်မျိုး မွှေးသေးတယ်။ မန်ကျည်းက မှည့်သွားပြီ ဆိုရင်တော့ တစ်နိုင်ငံလုံး သုံးဖို့၊ နိုင်ငံခြား တင်ပို့ဖို့ အထိ ကျယ်ပြန့် သွားပြီလေ။ မန်ကျည်း မှည့်ဟာ ကျွန်မတို့ ငယ်ငယ်က ” နွေထနောင်း၊ ဆောင်း မန်ကျည်း” ဆိုတာကို အဓိပ္ပာယ် သေသေချာချာ သိတာ မဟုတ်ဘူး။ ကြီးလာမှ မန်းကျည်းပင် ရိပ်ကြီး အုပ်အုပ် ဆိုင်းဆိုင်းရဲ့ အောက်ကို ဝင်လိုက်ရင် ဆောင်းတွင်းမှာ  နွေးတာကို သိတယ်။

အညာ ဒေသရဲ့ တစ်ခုသော ဝင်ငွေ ရတဲ့ ဒေသ ထွက်ကုန်ပါ။ အထူးသဖြင့် ကျောက်ပန်းတောင်း၊ ရမည်းသင်း စတဲ့ ဒေသ တွေမှာ မန်ကျည်းဟာ စီးပွား ရေး လုပ်ငန်း တစ်ခုပါ။ ကျောက်ပန်းတောင်းက ထွက်တဲ့ မန်ကျည်းက အသားထူ လို့တဲ့ ဝယ်သမားက ဈေးပို ပေးရတယ်။ မန်ကျည်းထွက်တဲ့ ဒေသ တွေမှာ ပြောတဲ့ စကား တစ်ခု ရှိသေးတယ်။ ” မန်ကျည်း တစ်လှည့် ဆီးတစ်လှည့်”  ပါတဲ့။ အဓိပ္ပာယ်က ဒီနှစ် မန်ကျည်းက သိပ်သီးလို့ ဝင်ငွေ ကောင်းခဲ့ရင် ရှေ့နှစ်တော့ မန်ကျည်းက အသီး နည်းနည်း လျှော့မယ်၊ အဲဒီနှစ်က ဆီး အထွက် ကောင်းတဲ့နှစ် ဖြစ်တယ်လို့ ပြောချင် တာပါ။ ဒါက သစ်ပင်များရဲ့ ထုံးစံ တစ်နှစ်မှာ အများကြီး သီးထားရင် နောက်နှစ် ဆက်ပြီး အများကြီး မသီး ဘူးလေ အနားယူတဲ့ သဘော၊ သီးတော့ သီးတယ် ဒါပေမဲ့ အသီး လျှော့တယ်။ တစ်နှစ် နားလိုက် လျှော့လိုက်ရင် နောက်နှစ်တော့ ပိုသီး ပြန်ရော၊ အထွက် ကောင်းပြန်ရော ဆိုတဲ့ သဘောပါ။ စာရေးဆရာကြီး ဒါရိုက်တာ ဦးသုခ ရိုက်ကူး ခဲ့တဲ့ အသုံးလုံး ရုပ်ရှင်ကား “ဘယ်သူ ပြိုင်လို့ လှပါတော့နိုင်”  ဇာတ်ကားမှာ ” ရွှေရှိသယ်၊ ငွေရှိသယ်၊ မန်ကျည်း ရှိသယ်၊ စာသင်ဖို့ လိုပါဘူး” ဆိုတဲ့ စကားကလေး မှတ်မိ ကြမှာပေါ့၊ အညာက တချို့ ဒေသမှာ မန်ကျည်းက စီးပွားရေးမှာ အရေးပါတာ ကို ပြောချင်တာပါ။

စီးပွားရေးကို ကိုင်တွယ် အုပ်ချုပ်မှု ပုံစံပြောင်း ကာစ အချိန် တစ်ချိန်တုန်း ကတော့ ဟာသလေး တစ်ခု ထွက်လာ သေးတယ်။ အဲဒီ ဒေသ ဆိုင်ရာ အာဏာပိုင် တစ်ယောက်က မန်ကျည်းကို ဘယ်ရွေ့ဘယ်မျှသာ ရောင်းစား ရမယ်၊ ဘယ်ရွေ့ဘယ်မျှ ကိုတော့ မျိုးအတွက် ချန်ထား ရမယ်လို့ အမိန့်ပေး ခဲ့ဖူး ပါသတဲ့ ပြောစမှတ် ကလေးတွေပါ။ မန်ကျည်းပင် ဆိုတာ စိုက်ထားရင် တစ်ပင်ကို နှစ်တွေ ရာနဲ့ချီပြီး အသက်ရှည် တတ်တဲ့ အပင်မျိုး။ ပုဂံခေတ်က မန်ကျည်းပင် ခုထက်ထိ ရှိသေး တယ်လို့ ပြောနိုင်ပါတယ်။ မန်ကျည်းဟာ ကြီးခဲတယ်။ အသက် ရှည်တယ်။ ပြီးတော့ လေဒဏ် မိုးဒဏ် ခံတယ်။ ဘယ် မုန်တိုင်း တိုက်တိုက် မန်ကျည်းပင် ကြီးတွေ ပြတ်သတ် ပြိုလဲ ကုန်တယ်လို့ မဖြစ် လေ့ဘူး။ အပင်က သိပ်ခိုင် မြဲတဲ့ အပင် တွေပါ။ ဒီလို ခိုင်မြဲတော့ အကြောင်း မသင့်လို့ ခုတ်လှဲရရင် မန်ကျည်းသားကို လွှများနဲ့ ဖြတ်တောက်ပြီး စဉ်းတီတုံးများ အဖြစ် အသုံးပြုရ ပါတယ်။ မန်ကျည်းသားက သိပ်မာ တယ် ဟုတ်လား။ စဉ်းတီးတုံး လုပ်လို့ အကောင်းဆုံးပဲ။

အဲဒီ မန်ကျည်းမာတဲ့ သတ္တိကြောင့် ဒီခေတ်မှာ ကြီးမားတဲ့ အန္တရာယ် တစ်ခု ပေါ်ပေါက် လာတာလည်း စိတ်မချမ်း မြေ့စရာ ကြားလာ ရတယ်။ အဲဒါကတော့ မန်ကျည်းသားက မာလို့ သူ့ကို သွေးပြီး သူ့သွေးဖတ်ကို အမွှေးတိုင် လုပ်ငန်း သမား များက သုံးစွဲ နေကြပါ သတဲ့။ အဲဒီတော့ ရေစကြိုနယ်မှာ ဆိုရင် မန်ကျည်းပင် ကြီး တွေကို ခုတ်လှဲပြီး အမွှေးတိုင် လုပ်ဖို့ ရောင်းစား ကြတာ မန်ကျည်း ပင်ကြီးတွေ တော်တော် ကုန်ပြီလို့ ကြားရတယ်။ မန်ကျည်းဟာ ကျွန်းသစ်တော ပြုန်း သလို ပြုန်း ရရင် ကျွန်းပင်လို ပြန်စိုက်တော့ နှစ် ၈၀ နှစ် ၁၀ဝ နဲ့ အပင်ကြီး ဖြစ်မလာဘူး။ ပြီးတော့ မန်ကျည်းကို ပြန်စိုက်တဲ့ လူလည်း မရှိဘူး။

ဒါကြောင့် အရွက်ရော၊ အပွင့်ရော၊ အသီးရော၊ စားရတဲ့ အပင်၊ တစ်ခါ ပေါက်နေရင် နှစ်ပေါင်း (၄-၅-၆၀ဝ) အသက်ရှင် နေတဲ့အပင်ကြီး တွေမို့ သိပ် နှမြောရ ပါတယ်။ ဖြစ်နိုင်ရင် သူ့ကိုတော့ ချမ်းသာ ပေးကြ ပါလို့ တောင်းပန်ချင် လှတယ်။

ရေးသူ = လူထုဒေါ်အမာ။ မူရင်းလင့်သို့

Advertisements

January 23, 2011 - Posted by | အညာမြေအလှစာပေကဏ္ဍ |

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: